Geing

Примарна цел на Д.Г.П.У. „Геинг Кребс унд Кифер Интернешнл и др.” Д.О.О (ГЕИНГ) е да биде лидер и најдобар испорачател на решенија од областа на гео и хидро техничкиот инженеринг како во Република Македонија така и на соседните пазари, преку насочување на својата активност кон навремени и квалитетни услуги и производи.
Нашите мултидисциплинарни проектни тимови секогаш ги анализираат разните опции и им нудат повеќе техничко – тешнолошки и финансиски решенија на  клиентите, со што се олеснува нивната определба и проектната имплементацијата. Сметаме дека таквиот пристап може да се обезбеди само преку квалитетна внатрешна контрола и раководење во рамките на организацијата. 
Во дефинирањето на својата деловна политика раководството на ГЕИНГ утврдува цели за квалитет, ги следи процесите на нивна реализација и донесува мерки за континуирано подобрување на квалитетот на услугите и производите.
Перманентното унапредување на квалитетот на услугите и производите со оптимални трошоци на работење е постојана задача на секој вработен.
Професионалното работење и посветеноста на раководството на ГЕИНГ  е изразена и преку постојаната грижа за едукација и оспособување на вработените. Со тоа обезбедуваме профит, ликвидност, а на вработените сигурност и подобар социјален статус.
Наши добавувачи се само добавувачите кои се способни да ги исполнат нашите барања во поглед на квалитетот и рокот на испорака.
При реализација на сите фази од процесите на работењето ГЕИНГ развива и усвојува еколошки прифатливи технологии и истовремено ја подига свеста за значението на заштитата и подобрувањето на животната средина.     
ГЕИНГ поседува сертификати за управување со квалитет ISO 9001:2008 и животна средина ISO 14001:2004. Во фаза е имплементација на меѓународниот стандард ISO 17025:2005 за акредитација на лабораторија за геомеханички испитувања.